藍藍的海我來了~~~

「恨」咗好耐嘅台灣之旅即將開始。 這個星期忙忙忙，忙完便可拋開一切踏上征途了~

過去嘅好多年，沒有真真正正去過旅行，真真正正可以休息的那一種。
可能每年都會出國，都係去短宣，去聖會，享受的，有得著的，但每次回來都很累。

前兩次去台灣，第一次是工作，前後五天，由落機抵達台灣的一刻到臨上機前一分秒都是在開工，而且每日07-24，力竭筋疲之外，根本沒可能「必」得到幾分鐘去到處走走。雖然這次「工幹」的旅程很很難能可貴，但始終都係做嘢做嘢做嘢...（後來奧運完結後，去了北京的同事回來告訴我，每天08-24做做做，根本完全感受不到奧運氣氛...真是很可惜，原來為咗工作而去，大多都不能享受箇中樂趣??）

對上一次就是跟爸爸姑媽姑丈表弟「返台灣探親」（因為表弟太太是台灣人），三天兩夜，在我腦海裡的，就是住了兩晚溫泉酒店，竟然在我非常努力爭取下，才有機會浸一趟...又因媽媽剛離我們不久，我和爸爸都沒有那種好心情。

上年年終的時候，已經同自己講過，要free放自己一年，不去短宣，不去聖會，我要去旅行！！
可知我這些短期合約員工一年只有七天假，所以...
我要去旅行！！ -_-"　　

咁難得可以離開一下，當然要細心編排做足功課啦~
一路「度」行程嘅時候，已經非常興奮。
今次仲有不怕「艱辛」的BonBon同行，一起去Hea個夠，玩個夠，Yeah~~ -_-"
台灣嘅最南端，我來了！！

求天父保守爸爸，自己一個都可以好好照顧自己，唔好病啦~
哈哈，仲有應承咗天父要開始嘅靈修計劃，一定唔可以再找藉口了！